Símenntun - Hagnýtar upplýsingar

Skráning á námskeið
Skráning á öll námskeið fer fram í síma 464 5100 alla virka daga frá kl 8:00 til 16:00. Einnig er hægt að skrá sig með því að senda póst á netfangið gudrun@hac.is og þarf þá að fylgja nafn, kennitala, heimilisfang, símanúmer, netfang og stéttarfélagsaðild.

Skráningartími
Skráningu á námskeið þarf að vera lokið fjórum virkum dögum áður en námskeið á að hefjast. Námskeið sem eru ódagsett verða auglýst sérstaklega þegar dagsetning hefur endanlega verið ákveðin.

Staðsetning námskeiða
Nokkur fjöldi námskeiða er óstaðsettur og verða þau námskeið haldin þar sem þátttaka fæst með það að markmiði að auka sveigjanleika í námskeiðahaldinu og gefa fleirum tækifæri á nánast hvaða námskeiði sem er. Þá verður leitast við að leysa vanda fámennra svæða ef þátttakendur reynast of fáir til að fylla námskeið. Það er því mjög áríðandi að áhugasamir um auglýst námskeið hafi samband og láti skrá sig, þannig verður hægt að finna leiðir fyrir sem allra flesta til að stunda það nám sem þeir óska.

Styrkir til náms
Í mörgum tilvikum eiga einstaklingar sem sækja námskeið hjá Þekkingarnetinu rétt á námskeiðsstyrk frá sínu stéttarfélagi. Oftast greiðir þátttakandinn námskeiðsgjaldið í upphafi en framvísar síðan reikningnum stéttarfélagsins. Kannaðu þína möguleika á námsstyrkjum ef þú hefur hug á að sækja námskeið eða fara í frekara nám

Tölvunámskeið á heimaslóð.
Þekkingarnet Þingeyinga hefur yfir að ráða fartölvuveri með 15 fullbúnum fartölvum til kennslu. Tölvuverið er hægt að taka með sér nánast hvert sem er þar.  Þekkingarnetið hvetur alla, stofnanir, fyrirtæki og félagasamtök til að kynna sér þessa möguleika til námskeiðahalds. Reynt verður að koma til móts við allar óskir og þarfir til námskeiðahalds með færanlega tölvuverið í farteskinu.

 

---