Fjarnámskeið og fjarnám

Fjarnámskeið og fjarnám

Endurmenntun Háskóla Íslands

Endurmenntun Háskóla Íslands er sífellt að auka framboð sitt á námskeiðum í fjarfundi og námsbrautum í fjarnámi. Með þessari þjónustu er sérstaklega verið að koma til móts við fólk á landsbyggðinni og hefur verið mikil ánægja með þetta aukna námsframboð.

Hægt er að skrá sig á fjarnámskeið EHÍ hjá Þekkingarneti Þingeyinga

Eftirfarandi námskeið er hægt að sækja í fjarfundabúnaði á fjarfundastöðum Þekkingarnets Þingeyinga.

Lausnamiðuð nálgun - Skráningarfrestur er til 23. febrúar 2012.
Hvenær: 05.03.2012 - 06.03.2012

Námskeiðið er ætlað öllum sem vilja horfa á lausnirnar frekar en vandamálin. Markmið og tilgangur námskeiðsins er að kynna þátttakendum árangursríka aðferð og ýmsar leiðir sem geta nýst fólki við að ná markmiðum sínum í lífi og starfi.

Nánari upplýsingar hér.

Öflugt sjálfstraust - Skráningarfrestur er til 27. febrúar 2012.
Hvenær: 06.03.2012 - 20.03.2012

Á námskeiðinu er lögð áhersla á að kenna þátttakendum að greina muninn á miklu og litlu sjálfstrausti og ekki síst að kenna aðferðir til að byggja upp og efla sjálfstraust. Kennsla er í formi fyrirlestra, umræðna, verkefna og æfinga.

Nánari upplýsingar hér.

Val á rekstrarformi fyrir atvinnustarfsemi - Skráningarfrestur er til 27. febrúar 2012.
Hvenær: 07.03.2012 - 07.03.2012

Þeir sem eru að hefja atvinnurekstur velta iðulega fyrir sér hvaða form þeir eigi að hafa á fyrirtæki sínu. Eiga þeir að stunda atvinnureksturinn á eigin kennitölu eða kennitölu félags og hvaða félags er þá gjarnan spurt.

Ein. FLE: 3 Skatta- og félagaréttur.

Nánari upplýsingar hér.

Stjórnun breytinga - hlutverk stjórnenda og þáttur starfsmanna - Skráningarfrestur er til 5. mars 2012.
Hvenær: 14.03.2012 - 28.03.2012

Kynntar verða hagnýtar lausnir í breytingum sem byggja á helstu kenningum og aðferðum breytingastjórnunar.

Nánari upplýsingar hér.

Sálgæsla og áfallahjálp - samfylgd í kjölfar áfalla - Skráningarfrestur er til 5. mars 2012.
Hvenær: 14.03.2012 - 28.03.2012

Markmið námskeiðsins er að þátttakendur öðlist færni og innsæi á bæði sálræna þætti og tilvistarleg áhrif áfalla á líf skjólstæðinga og aðstandenda þeirra. Kynntar eru helstu leiðir sem hægt er að nota til að hjálpa þolendum áfalla og aðstandendum sem þurfa að vinna með þungbæra lífsreynslu.

Nánari upplýsingar hér.

Vinnugleði - mín vinna, mitt viðhorf - Skráningarfrestur til 21. mars 2012
Hvenær: 30.03.2012 - 30.03.2012

Hagnýtt námskeið fyrir alla sem hafa áhuga á að bæta sig, blómstra og auka vinnugleði sína í daglegu starfi.

Nánari upplýsingar hér

Símenntun Háskólans á Akureyri

Símenntun HA býður upp á fjölbreytt úrval náms samhliða starfi.

Fjarnám frá öðrum símenntunarmiðstöðvum, framhalds- og háskólum

Að auki bjóða fjölmargir framhaldsskólar, háskólar og fleiri aðilar nú upp á námskeið í fjarkennslu. Þekkingarsetur Þingeyinga hefur á að skipa kennslustofu fullbúinni með fjarfundabúnaði, aðstöðu til sjálfsnáms og hefur auk þess umsjón með framkvæmd prófa í samráði við viðkomandi skóla.

Stundum þarf hins vegar að skrá sig í viðkomandi skóla og/eða námskeið með töluverðum fyrirvara. Hafið samband við okkur til að afla ykkur nánari upplýsinga.

Eftirtaldir aðilar eru meðal þeirra sem bjóða upp á námskeið í fjarkennslu

www.fa.is/framvegis/