Háskóli Íslands

Háskóli Íslands og Þekkingarnet Þingeyinga eiga töluvert samstarf. Háskóli Íslands á þannig fulltrúa í stjórn Þekkingarsetursins. Unnið er að gerð samstarfssamnings við Háskóla Íslands sem kveður á um nýtingu aðstöðu Þekkingarnetsins, móttöku nemendahópa frá H.Í. og samvinnu um rannsóknaverkefni.

Í desember 2008 opnaði Háskóli Íslands Rannsókna- og fræðasetur Háskóla Íslands Norðausturlandi hér á Húsavík. Rannsókna- og fræðasetrið, sem er ein stærsta rannsóknastofnun á sviði sjávarspendýrafræða á Íslandi, er staðsett í húsnæði Þekkingarnetsins á Húsavík og á í samstarfi við Þekkingarnetið að ýmsu leyti.