Raunfærnimat - almennt

Hvað er raunfærni?

Raunfærni er öll sú færni sem einstaklingur hefur öðlast í gegnum t.d. starfsreynslu, starfsnám, frístundir, nám, félagsstörf og fjölskyldulíf. Færni er hægt að afla sér bæði gegnum formlegt nám innan skólakerfisins og óformlegt nám utan skólakerfisins.

Hvað er raunfærnimat?

Raunfærnimat er staðfesting og mat á færni einstaklingsins án tillits til þess hvernig eða hvar hennar hefur verið aflað. Markmiðið með raunfærnimati er að viðurkenna þá færni einstaklingsins sem hann býr yfir á ákveðnum tíma, þannig að hann þurfi ekki að sækja nám í því sem hann kann eða öðlist framgang í starfi. Raunfærnimat byggist á því að mögulegt sé að draga fram og lýsa raunfærni sem er fyrir hendi og skilgreina, meta og viðurkenna.
Mat á raunfærni er mikil hvatning til náms fyrir einstaklinga á vinnumarkaðanum og gefur þeim tækifæri á að ljúka námi á sínum forsendum.
Mat á raunfærni getur verið hvati fyrir fullorðið fólk á vinnumarkaði, í hinum ýmsu starfsgreinum, til að ljúka formlegu námi. Þar með styrkist staða þess, fagstéttanna, fyrirtækjanna og þjóðarinnar almennt hvað varðar þekkingarstig og framþróun.

Raunfærnimat til styttingar á námi

Raunfærnimat til styttingar á námi miðar að því að meta raunfærni sem jafngilda náms áfanga eða hluta af náms áfanga og skipuleggja nám einstaklingsins með tilliti til raunfærni hans. Raunfærnimat er ekki gjaldfelling náms á nokkurn hátt. Með raunfærnimati má komast að komast að raunverulegri færni einstaklings og þannig koma í veg fyrir að hann þurfi að sækja nám í efni sem hann þegar kann. Þess konar viðurkenning getur stuðlað að aukinni þátttöku í símenntun og í því felst einnig sparnaður á tíma og fé fyrir einstaklinginn og samfélagið.

Raunfærnimat í atvinnulífinu

Raunfærnimat í atvinnulífinu miðar að því að skrá og fá staðfesta færni í því skyni að einstaklingurinn fái framgang í starfi eða finni starf við hæfi. Færni einstaklingsins er borin saman við færniviðmið viðkomandi starfa og metin á móti þeim.

Sjá nánar um raunfærnimat í bæklingi Fræðslumiðstöðvar atvinnulífsins um raunfærnimat - Raunfærnibæklingur