Menu-2

Aðstaða og þjónusta

Þekkingarnetið býður fjarnemum öllum, þ.m.t. háskólanemum, upp á víðtæka þjónustu og aðstöðu til náms.  Stofnunin rekur mönnuð námsver á Húsavík og Þórshöfn þar sem námsfólk getur fengið sólarhringsaðgang að vinnuaðstöðu sem fullbúin er skrifstofutækjum og -húsgögnum.  Að auki námsaðstöðu með aðgengi eftir samkomulagi á Kópaskeri og Raufarhöfn, í Mývatnssveit, á Laugum í Reykjadal og í Kiðagili í Bárðardal.   Á öllum þessum stöðum er nemendum boðið upp á aðstöðu til fjarprófahalds, með samþykki þeirra skóla sem við á í hverju tilviki.

Þekkingarnetið hvetur alla íbúa Þingeyarsýslu til að nýta sér þjónustuna og fá aðstöðu, ráðgjöf eða námsþjónustu af einhverju tagi.

Öll þjónusta og aðstaða Þekkingarnetsins fyrir fjarnema í Þingeyjarsýslum er gjaldfrjáls fyrir nemendur (þ.e. innifalin í skráningargjaldi í viðkomandi skóla).

Þjónustustöðvar / námsver Þekkingarnetsins:

Húsavík:

Höfuðstöðvar í Þekkingarsetrinu á Húsavík, Hafnarstétt 3. Háskólanámsver með sólarhringsaðgengi, 3 fjarfundabúnaðir, kennslustofur, lesrými, vinnuaðstaða fyrir 8-10 (auk starfsmanna annarra stofnana).

Þórshöfn:  

Starfsstöð í Menntasetrinu á Þórshöfn. Námsver með sólarhringsaðgengi, 3 fjarfundabúnaðir, kennslustofa, vinnuaðstaða fyrir 3-5.

Raufarhöfn:

Fjarfunda-, próftöku og námsaðstaða í “ráðhúsinu” á Raufarhöfn.

Kópasker:

Fjarfunda-, próftöku og námsaðstaða í skólahúsinu á Kópaskeri.

Laugar í Reykjadal:

Fjarfunda-, próftöku og námsaðstaða í Urðarbrunni þekkingarsetri.

Mývatnssveit:

Fjarfundaaðstaða í grunnskólanum í Reykjahlíð.

Bárðardalur, Kiðagil:

Fjarfunda-, próftöku og námsaðstaða

Húsavík - sími: 464 5100 | Þórshöfn - sími: 464 5142